Damen: Wir sind die Schweizermeisterinnen!

Die Damen des SHC Grenchen-Limpachtal haben Geschichte geschrieben und den Pokal der Schweizermeisterinnen nach Hause gebracht! Die Leistung, die das Team am letzten Wochenende in Sierre an den Tag legte, war schlicht phänomenal.

Zeit also, die frischgebackenen Schweizermeisterinnen im Streethockey etwas genauer unter die Lupe zu nehmen. Und wer kennt die Spielerinnen denn besser als sie selber? Deshalb haben wir den Coach darum gebeten, die Spielerinnen für sich selber sprechen zu lassen und einige Fragen in wenigen Worten zu beantworten. Ungeschönt, sympathisch, voller Freude und mit purem Stolz auf das, was sie erreicht haben! Recht haben sie!

Geniesst ihre Antworten an ihren Erfolgstrainer nach dem grossen Triumph!

Und: Nur dass die Fragen bereits im Voraus beantwortet sind: Ja, sich selber beschreiben ist nicht einfach. Ja, das reicht. Und: Ja, das ist gut so.

Ihr seid gut so! Ihr seid fantastisch, so wie ihr seid! Ihr seid meisterlich! Im wahrsten Sinne des Wortes!

Marcelle Witschi

I gseh mi aus motivierti, isatzfreudigi u ergiezigi Spielerin. I ha Freud am Spiu, spielä gärn mit dä angärä u kämpfä gärn um jedä Bau.

Chantal Rätz

Ufem Platz gibi immer 120%, i kämpfe um jede cm, wott ds Beschte i jedem Ihsatz usehole. Spielerisch gseh würdi iz mau sägä, hani ä sehr gueti Übersicht, Spiuverständniss, cha "dirigiere" und chlei dr Takt vorgäh. Bi gloub i paarne Hisichte o ä Inspiration für üsi Junge. Näbem Fäud (und ou ufem) bini immer guet druf, o wes mau nid louft probieri positiv ds blibe u di angere ds motiviere. Und: für ne dumme Spruch bini geng ds ha 😉

Lynn Bütikofer

Huhuu😊

I gloub was mi usmacht isch, das i immer motiviert bi u di angerä o motivierä. U dass i ufem Platz viu redä😂

Celine Zbinden

Hoi🤗

I gloub mi machts us, dasi immer motiviert bi zum hockeyle u immer Vougas gibe. U haut dasi viu Scorerpünkt mache☺️ U i würd säge, dasi ä gueti Spiuübersicht ha ds Spiiu guet cha läse….

LG u ä schöne Abe😊

Jana Kunz

Hallo Geru

Wägä däm vom Chat, aso i gseh mi aus Teamplayerin u mi macht us, das ig fair blibe u das i immer Vougas gibe 😊

Felicia Affolter

Hallo Geru

Ig gseh mi us Spielerin mit Kampfgeist. Usmache duet mi mini Usdur, Schnäuigkeit u mis Spiuverständnis. 😊

Rebecca Burgdorfer

Uh wini my gseh aus Spilerin isch: Ih by sehr lutt, direkt und hartnäckig. Mängisch oh chli z überiffrig, was ner derzue füärt, dasi sinnlosi Stroffe ihholle. Aber was my gloub chli usmacht isch my ergits und dasi immer probiere mis z beschde gäh!

Leonie Affolter

Hallo Geru😊

Ig gseh mi us motivierti Spielerin und usmache duet mi mini Schnelligkeit und Usdur.

Liebs Grüessli

Stefanie Krähenbühl

Das macht mi aus Spielerin us: Dass i wes guet loufft sowohl defensiv wie offensiv zu guete Aktione cha verhäuffe, z Team probiere z motiviere u positivi Stimmig uf d Bank z bringe.

Bi grad drann gsi.. mega schwierig.. hoffe das längt 🤷🏻‍♀️

Laura Kunz

Ih bi e spielfreudigi, teamotivierti Spielerin mit vill Liedenschaft fürs Spiel. Mis Durchhaltevermöge: Ich gibe nie uf, bringe en positive Energie i d Mannschaft und bi immer parat, meh zlerne und mi z’verbessere. Was mi usmacht, isch mini Verlässlichkeit und dr Wille, für ds Team alles z’geh 😊

Nina Ritter

Hoi Geru, mir geitz guet, dir hoffentlech ou☺️ Ja chani sicher mache: i denke mi macht us, dasi sehr ehrgizig bi, immer i z'Training chume und nid ufgibe!

Leila Berri

Hallo Geru!

Ih gseh mi us Spielerin eso: Ih spiele mit Herzbluet und Teamgeist. Egau ob ufem Biz oder ar Bande, ih motiviere mini Mitspielerinne und bringe positivi Energie is Spiu. Ih finge, dass ih e gueti Spielübersicht ha. Mit mim wachsende Selbstbewusstsii, cha me mini Wiiterentwicklig im Spiu dütlich gseh.

Sarah Trummer

Hoi Geru, das isch no schwär sich säuber zbeschribe als spielere 🙈

I würd säge, i bi e flexibli spielere und für mi zeut vorauem zTeam als Ganzes. Ig la als Ältisti im team gärn die junge ihri erfahrige mache. Me het mer früecher wadlibisser gseit, aber das isch gloub düre 🙈

Isch das für di guet? 🙈

Sabrina Arn

Ig gseh mi as Verteidigerin wo Willä zeigt dr Bau z erkämpfä und taktisch e gueti Uslösig suecht. Ig gloubä mi macht dä Kampfgeist u Ehrgiz us.

Liebs Grüessli🤗

Angela Baumgartner

I mache so Sache ja garnid gärn 🤪

Wiuensstarch, kämpferisch (Retu het gmeint Kampfsöili 🤣), loufstarch, zielorientiert, ehrgizig.

Anja Tschirren

I gloub mi macht us dasi ufem Fäud mit de Spielerinne kommuniziere u si so unterstütze, mis Stelligsspiu und mini flincki Spiuwis ☺️

Emma Berri

Hoi Geru,

Ih würd sege, dass mi mini Stärki, Stocktechnik und Hockeywüsse usmacht. Süsch fingi, dassi ufem Platz Verantwortig übernime und eh starke Wille ha.☺️

Eh liebe Gruess😁

Vera Fluri

I glaube fo mir dasi läuferisch starch bi, e guete Kampfgeist ha und au e Spielübersicht ha.

Längt das scho odr muessi nomeh zämeriime?😅

Jacqueline Blösch

Hoi Geru,

I gseh mi als en Spielerin, wo fröid am Hockey het u immer alles git. Klar, eventuell noni eso guet aber i mache zBeste druss ☺️

Denke, was mi usmacht, isch dsi mit Fröid drbii bi und stets motiviert bi Nöis dezuezlerne.

Mönschlich machts mi us, dsi stets probiere zpositive zgseh.

Olivia Michel

Hooi Geru, ja bimer scho di ganzi Zyt am Gedanke mache, aber es isch so schwär 🙈

I würdi itse folgendes sägä: I xe mi aus lehrnfähigi Spilerin, wo stetig chlei öbbis cha verbessere u Kritik u Verbesserigsvorschleg cha ahnäh. Probiere Guets fürds team z mache, u aune z häufe. Sigs uf dr Bank odr näbä dr Bank.

I hoffe das passt so für di 🙈

Liebe Gruess

Larissa Lüthi

Ig gseh mi aus Allrounderspielerin, ig sueche dr Zug ufs Gou, schaffe aber o gäge hingere.

Ig verbreite (gloub🤭) gueti u positivi Stimmig im Team u probiere aui Spielerinne z motiviere!

Teil des Damenteams des SHC Grenchen-Limpachtal Ausgabe 2024/25 waren des weiteren Stefanie Kummer, Olivia Messer, Lea Nussbaumer und Anina Schwab.

Das Team wurde indes durch zwei alte Hasen durch die Saison geführt. Die beiden ruhenden Pole, die mit ihrer Erfahrung die junge Mannschaft perfekt unterstützen, fördern und fordern konnten!

Der Coach: Gerhard Christen

Sein Ehrgeiz und sein Pflichtbewusstsein sind ebenso typisch für ihn wie auch seine absolute Ruhe und Geduld. Es scheint, als hätte er die perfekt Balance gefunden, um das impulsive Team gekonnt auch durch stürmische Gewässer zu manövrieren.

Sein Assistent: Beat Lüthi

In Bezug auf seine Ruhe steht er seinem Chef in nichts nach - auch wenn er von Zeit zu Zeit wie ein Vulkan ausbrechen kann. Er stand Geru jederzeit beratend zur Verfügung und hielt ihm damit auch den Rücken frei.

Liebes Damenteam: Wir sagen Merci! Merci, für eine grandiose Saison mit einer wunderbaren Krönung ganz am Schluss!

Ihr habt uns alle von den Sitzen gerissen und viel Freude bereitet! Geniesst die Sommerpause. Wir freuen uns auf ein Wiedersehen in der nächsten Saison!